Þjónusta
Þjónusta
Geðhjúkrun í heimahúsum
Fólki býðst nú að meðferðaraðilinn komi inn á heimilið og vinni að geðmeðferðarvinnu í umhvefi einstaklingsins og á hans forsendum. Fólk sem notið hefur slíkrar þjónustu er almennt mjög ánægt og oftar en ekki hefur verið komist hjá innlögnum á geðdeildir. Aldur fólksins hefur verið allt frá 15 ára og að 83 ára aldri. Um 90% beiðna hafa verið vegna kvenna en 10% vegna karla.
Sé um alvarleg geðræn veikindi að ræða greiðir Tryggingastofnun ríkisins meðferðina að fullu. Það er heilbrigðisfagfólk á heilsugæslustöðvunum sem metur geðrænt ástand viðkomandi og sendir inn beiðni um heimageðhjúkrun. Heilbrigðisfagfólk á LSH sendir t.d. inn beiðnir vegna þeirra sem eru að útskrifast af geðdeildum. Ennfremur koma beiðnir frá sjálfstætt starfandi sérfræðingum.
Viðtalsmeðferð einstaklinga og hjóna
Liljan ehf býður fólki upp á viðtalsmeðferð á stofu sem er staðsett í starfsstöð félagsins að Vallargerði 10 í Kópavogi, í kyrrlátu og fallegu umhverfi og þar sem ekki þarf að bíða á biðstofu. Fólk kemur á eigin vegum, án afskipta stofnana og greiðir sjálft fyrir þjónustuna. Viðtalið tekur um það bil 55 mínútur.
Áfallahjálp
Margir eiga um sárt að binda vegna hvers konar áfalla á lífsleiðinni. Áföllin geta komið fyrirvaralaust og fólk er almennt ekki viðbúið því að takast sjálft á við erfið tilfinningaleg verkefni eins og til dæmis dauðsföll og hjónaskilnaðir eru. Fyrst í stað er óskað eftir stuðningi í formi áfallahjálpar, síðar kemur inn meðferðarvinna ef fólki tekst ekki að vinna sig í gegnum sorgina á eigin forsendum. Sé þess óskað kemur viðkomandi heilbrigðisstarfsmaður heim til fólksins og miðast meðferðarvinnan við þarfir viðkomandi einstaklings/fjölskyldna.
Fræðsla
Fræðsla og fyrirlestrar á geðsviði er sniðin að þörfum einstaklinga og/eða hópa. Félagið hefur aðstöðu til að taka á móti smærri hópum. Sé hinsvegar um stærri hópa að ræða fer viðkomandi starfsmaður út í fyrirtækið eða á annan þann stað þar sem fræðslan fer fram.
Handleiðsla og ráðgjöf
Starfsmenn stofnana og fyrirtækja geta fengið handleiðslu og eða ráðgjöf, til dæmis vegna úrvinnslu verkefna eins og samskiptaerfiðleika á vinnustað, eða aðstoð við vinnslu annara verkefna sem varða fólk og tilfinningar. Handleiðsla getur varðað einstaklinga eða hópa, allt eftir eðli og umfangi verkefnisins.